E unha foto boísima de Tamara coa ligazón ao seu blog.
Foto de Tamara Andrade Peón
Máis fotos
Primeiras probas
Durante o obradoiro de manexo de telescopios impartido por Salva, @s alumn@s de 4º de PDC probaron as cámaras dos móbiles. Aquí tedes algunhas das fotos que sacou Irma e en canto as nubes nos deixen, teremos fotos da Lúa!
Foto de Irma Gómez Amado
Xornada de telescopios
En base ao prognóstico de meteogalicia para mañá, deixaremos a xornada de observación e astrofotografía para o xoves ou venres (ou ambos). Mañá falamos!
Agardo as vosas fotos de onte!
Unha visita moi esperada
Durante toda a 2ª avaliación vimos desenvolvendo diferentes actividades de astronomía en paralelo co traballo doutras unidades. A próxima semana será especialmente emocionante porque o luns teremos a inmensa sorte de contar coa visita de Salvador Bará, profesor da Facultade de Física da USC e responsable da iniciativa Astronomía na Beirarrúa:
 |
“O ceo está no teu barrio! Astronomía na beirarrúa é un programa de actividades promovido pola Universidade de Santiago de Compostela e o Clube de Astronomía Vega para desfrutar do ceo nocturno dende as rúas e prazas dos nosos barrrios, en estreita cooperación coas entidades asociativas veciñais.” |
Na primeira hora de clase descubriremos a Lúa a través da charla “Alén dos confíns da luz e das tebras…” (Galileo e a Lúa, 1610). Agora que non nos escoita, teño que dicirvos que Salva foi o meu profe (o mellor que tiven) polo que podo asegurarvos que aprenderemos moitísimo e non teremos tempo nin para pestanexar escoitando sorprendentes e interesantes historias acerca do noso satélite e o vello Galileo.
Na segunda hora de clase, despois do recreo, teremos un obradoiro no que nos iniciaremos no manexo dos telescopios e en particular, dos tres que o grupo de Astronomía na Beirarrúa nos deixa en préstamo durante toda a semana (grazas!!!). Con eles realizaremos observacións e unha actividade de astrofotografía empregando as cámaras dos teléfonos móbiles (fixaremos o día consultando Meteogalicia).
Exame de Modelado do Relevo
Facede clic aquí para acceder ao exame. Teredes que rexistrarvos co voso primeiro apelido e nome (nesa orde).
Photo credit: nasirkhan from morguefile.com
Globe at Night: segunda noite observando o ceo
Lembrade que a de mañá será a última noite para participar e que é un proxecto no que paga a pena empregar 10 minutos!!!
Globe at Night
Xa temos o primeiro punto en Arteixo!
Proxecto colaborativo: Contaminación Lumínica
Dende o Ámbito Científico-Técnico de 4ºD participaremos ate o 6 de Marzo nun proxecto colaborativo de caráter mundial: Globe at Night.
Trátase de determinar a contaminación lumínica en calquera punto da Terra a través da observación da constelación de Orión. As nosas medicións formarán parte dun mapal global onde se rexistrarán medidas realizadas en todo o Mundo.
A suxestión chéganos a través de Astronomía na Beirarrúa (grazas!). Animádevos a participar con nós, soamente precisaredes uns minutos!!!
Para introducir os datos da túa observación, fai clic aquí.
Ela é unha astrónoma
No marco das actividades de Astronomía que estamos a realizar no ámbito científico-técnico, quixemos recuperar a magnífica exposición elaborada en 2009 con motivo do Ano Internacional de Astronomía. Co título Con A de Astrónomas e a través de 13 paneis, poderemos facer un percorrido polo Sol, o sistema solar, as estrelas, as galaxias… o universo, á vez que coñeceremos as achegas de moitas das astrónomas que fixeron importantes contribucións nesta ciencia. O punto de vista é nesta ocasión o das mulleres que pasaron e pasarán á historia a través do seu traballo. Co noso recoñecemento a todas elas queremos conmemorar o 8 de Marzo, Dia Internacional da Muller Traballadora.
Os diferentes paneis que conforman a exposición poden descargarse en diferentes calidades e idiomas a través da web do AIA 2009
Ciencia + Tecnoloxía 