Este curso traballaremos a edición de audio coa aplicación online Spreaker.
Xogo de GameMaker: data de entrega
O día acordado para entregar os xogos de GameMaker era o 19 de Febreiro pero a folga, a celebración do entroido o venres e a charla sobre riscos en internet á que asistirán os alumnos de 4ºA e D o venres 15 de Febreiro fan que a situación sexa a seguinte:
- 4ºACD: o martes día 19 de Febreiro falaremos dunha nova data de entrega pois todavía se completan as 4 sesións mínimas o día 20 de Febreiro.
- 4ºB: completa as 4 sesións mínimas asignadas o día 18 de Febreiro polo que sería posible manter a data inicial proposta. Con todo, podemos comentalo o luns día 18 de Febreiro en clase e se é preciso fixar unha nova data (xa que sempre falamos dun mínimo de 4 sesións con posibilidade de usar a aula de informática nos recreos e iso pola miña parte non sería posible ate o martes día 19 de Febreiro).
Reciclar xoguetes
Envíame Marta, profesora do departamento de Lingua Galega e dinamizadora da biblioteca, unha páxina na que atoparedes ideas para reciclar xoguetes. Mil grazas, Marta!!!
Queres xogar a un clásico?
En Tecnoloxía de 2º estamos estudando o ordenador e en Informática de 4º deseñando e realizando xogos con GameMaker. Uns e outros deberiades botarlle un ollo ao Pong, considerado como un dos primeiros xogos de videoconsola. Fai clic aquí se queres xogar.
Unha axudiña
Podes preguntarme as dúbidas que teñas durante o deseño e realización do teu xogo con GameMaker e tamén consultar este completísimo manual.
Deseña e realiza o teu xogo con GameMaker
Utiliza GameMaker para crear un xogo coas seguintes especificacións:
- O xogo comeza cunha ventá que indica o nome do xogo e as instrucións para xogar.
- Un dos sprites será un triángulo azul creado por ti no editor.
- Debe incluír como mínimo un son.
- Pode ter ate dúas habitacións.
- Ningunha das accións pode provocar erros (ollo co paso de habitación!!!).
- Ao rematar o xogo debe preguntar se se quere xogar de novo ou saír.
Tes ate o martes 19 de Febreiro para entregarme o executable: nome_nome.exe
Xogo creado por Manuel Tato no curso 2011-12
Xogo con GameMaker
Chegou o momento de crear un xogo. Faino coas seguintes especificacións:
- O protagonista é un boneco que pode moverse arriba, abaixo, esquerda e dereita.
- Debe recoller 10 fresas dentro dun recinto pechado.
- Logo de recoller as 10 fresas aparece unha chave e o xogo remata cando a colle.
- Non pode atravesar as paredes do muro.
- Non pode saír do recinto polo lugar que empregou para entrar. Se tenta facelo, pregúntaselle ao xogador se quere xogar de novo.
- A chave non pode verse ate que recolla as 10 fresas.
- A chave non pode collerse ate que recolla as 10 fresas.
- O xogo comeza cunha ventá informativa.
O mundo á noite: pon o teu punto no mapa
Un ano máis está en marcha Globe at Night, un proxecto colaborativo sobre contaminación lumínica a nivel mundial. Participar é moi sinxelo. Observa a constelación de Orión a simple vista e compara as túas observacións cos mapas estelares que atoparás nesta páxina.
Esta primeira fase estará aberta ate o 12 de Xaneiro (avisarei das seguintes). Pon o teu punto no mapa!!!
Ciencia + Tecnoloxía 