Onte tivemos unha noite preciosa cun ceo totalmente despexado, así que nos animamos a montar o telescopio e tentar obter unha foto de Xúpiter e os seus satélites.

Na imaxe podedes ver a Xúpiter e (de esquerda a dereita) Ganímedes, Europa e Ío.

Unha vez máis, a foto está sacada coa cámara dun teléfono móbil e aínda que non pasará á historia como o mellor logro en astrofotografía, é moi emocionante pensar que o mesmo que estades vendo vós agora, o viron os meus ollos onte.

Acabo de saber a través de amazings que os billetes non poden ser manipulados con aplicacións de tratamento de imaxe tipo Photoshop porque incorporan unha disposición de círculos que fai que sexan facilmente detectables como billetes.

Parece ser que esta disposición é moi semellante á constelación de Orión e está presente nos billetes de moitos países, como podedes ver na ligazón que deixaron nun dos comentarios á entrada. Curioso…