Arteixo vístese de Letras os días 16 e 17 de Maio. Entre as moitas e interesantes actividades programadas, unha noite de estrelas con Astronomía na Beirarrúa. Achégate ao anfiteatro na noite do 16 e desfruta do ceo con nós!!!
Podes construír un motor cunha pila, un imán e un arame de cobre. E para entender o funcionamento dun motor de corrente contínua, podes ver este vídeo.
Unha legua é unha antiga medida de lonxitude que dá conta da distanza a pé que unha persoa é capaz de percorrer nunha hora. É moi habitual considerar unha equivalencia de 5 km, de maneira que o camiño andado nunha xornada estaría en torno aos 35 km. Isto reflíctese no feito de que esa é precisamente a distanza que separa moitas vilas importantes entre si. Ordes e Santiago, Santiago e Muros, ou Muros e Noia son só tres exemplos de tantos. Pero se tes unhas botas de sete leguas, poderás avanzar unha xornada de camiño con cada paso.
Photo credit: duboix from morguefile.com
O Mundo á Noite, a última fase da campaña de Globe at Night xa está en marcha e durará ate o 20 de Abril. Só tes que obervar a constelación de Leo a simple vista e comparar as túas observacións cos mapas estelares que atoparás na web desta iniciativa (este ano, por primeira vez en galego!): O Mundo á Noite.
Anímate a participar, pon o teu punto no mapa!
O noso sistema visual non pode percibir as cores na noite… pero están aí! Realiza unha foto de longa exposición para comprobalo. Podes apoiar a cámara sobre unha superficie ou mellor incluso, empregar un trípode. Axusta os parámetros da túa cámara para fixar un tempo de exposición óptimo e terás un resultado coma o da imaxe, rexistrada á luz da Lúa, pasada a medianoite do xoves 5 de Abril. Parece de día!
Se fas zoom sobre a imaxe, verás que as estrelas non son puntos, senón pequenas trazas. Isto é debido a que a exposición foi de 60 segundos e durante ese tempo a Terra non deixou de xirar! Serías capaz de localizar Venus nesta foto? E Orión? E as Pléiades?
Xera os teus códigos QR con kaywa.
Tamén podes xerar códigos QR instalando un complemento de Firefox. Por exemplo:
Visto en microsiervos.
Máis información aquí.
As lámpadas de baixo consumo conteñen vapor de mercurio no seu interior. Este metal dá lugar a substancias altamente tóxicas e bioacumulables que se incorporan con facilidade á cadea alimenticia. Se unha lámpada de baixo consumo deixa de funcionar, non a tires ao lixo, deposítaa nun minipunto limpo.
Nestes lugares de recollida tamén podes desfacerte de CD e DVD, cartuchos de impresora, aparellos eléctricos e electrónicos, teléfonos móbiles, pilas e baterías de móbil.
Queres saber máis?
Avenida de Fisterra, Arteixo
Ciencia + Tecnoloxía 