Mañá comeza outra campaña de Globe at Night. Olla o ceo e sube os teus datos. Anímate a participar!
Globe at Night
Reciclar xoguetes
Envíame Marta, profesora do departamento de Lingua Galega e dinamizadora da biblioteca, unha páxina na que atoparedes ideas para reciclar xoguetes. Mil grazas, Marta!!!
O mundo á noite: pon o teu punto no mapa
Un ano máis está en marcha Globe at Night, un proxecto colaborativo sobre contaminación lumínica a nivel mundial. Participar é moi sinxelo. Observa a constelación de Orión a simple vista e compara as túas observacións cos mapas estelares que atoparás nesta páxina.
Esta primeira fase estará aberta ate o 12 de Xaneiro (avisarei das seguintes). Pon o teu punto no mapa!!!
Globe at Night en galego
O Mundo á Noite, a última fase da campaña de Globe at Night xa está en marcha e durará ate o 20 de Abril. Só tes que obervar a constelación de Leo a simple vista e comparar as túas observacións cos mapas estelares que atoparás na web desta iniciativa (este ano, por primeira vez en galego!): O Mundo á Noite.
Anímate a participar, pon o teu punto no mapa!
Minipunto limpo
As lámpadas de baixo consumo conteñen vapor de mercurio no seu interior. Este metal dá lugar a substancias altamente tóxicas e bioacumulables que se incorporan con facilidade á cadea alimenticia. Se unha lámpada de baixo consumo deixa de funcionar, non a tires ao lixo, deposítaa nun minipunto limpo.
Nestes lugares de recollida tamén podes desfacerte de CD e DVD, cartuchos de impresora, aparellos eléctricos e electrónicos, teléfonos móbiles, pilas e baterías de móbil.
Queres saber máis?
Avenida de Fisterra, Arteixo
V Exposición-concurso de Proxectos de Tecnoloxía
Hoxe celebramos a V Exposición-Concurso de Proxectos de Tecnoloxía no taller 1 do instituto. O xurado formado por Dennise Iglesias, Alexia Anido, Brahim El Ghotiss, Natalia Rodríguez e Eva Sanz seleccionou os seguintes proxectos como gañadores das diferentes categorías:
- 2º da ESO: ponte levadiza de Juan Carlos, Jesús, Martín e Gregorio
- 3º da ESO: coche cabledirixido de Ismael, Adrián, Sara e Rocío
- 4º da ESO: ascensor con display de Sara, Paula, Reynaldo e María
Parabéns a tod@s @s alumn@s de tecnoloxía no nome das profesoras do departamento!!!!!!
E por fin… as fotos do día dos foguetes!
A febre e unha dor de gorxa tremenda non deixaron que hoxe fora ao instituto, así que aproveitei o tempo para facer unha montaxe con algunhas das moitísimas fotos que tiramos o día dos foguetes. Que día!
NOTA: acepto cambios na selección de fotos e música 🙂
http://photopeach.com/public/swf/story.swf
Foguetes de auga (4ºD Ámbito Científico-Técnico) on PhotoPeach
Cámara incorporada no foguete
Tamén incorporamos unha pequena cámara na parte superior do foguete. No seguinte vídeo podedes ver a gravación correspondente ao lanzamento foguete04.
Primeiro vídeo do lanzamento de foguetes de auga!!!
Unha pequena mostra (tede paciencia e haberá máis) da xornada de foguetes de auga que tivemos esta mañá. Trátase do lanzamento do foguete construído polos alumnos de 4ºD. As dúas gravacións correspóndense con dúas cámaras, unha na base de lanzamento e outra situada para rexistrar a traxectoria completa do foguete. Un traballo estupendo. Parabéns a tod@s!!!
E o día dos lanzamentos é…
Ao longo da clase de hoxe de hoxe rematamos os foguetes e dispuxemos todo para o día dos lanzamentos. Inicialmente pensamos no luns, pero as dúas horas de clase quedan partidas polo recreo. O martes as dúas horas son seguidas pero son as dúas primeiras da mañá e todavía non hai luz suficiente para realizar gravacións de calidade. Que tal o mércores? É o día perfecto pero teremos o tempo do noso lado? Consultado o servizo de meteogalicia, o pronóstico é bo, polo que quedamos para o mércores!!!
Ciencia + Tecnoloxía 