O mércores día 30 de Marzo teremos o exame da unidade de periféricos na aula de 2ºC. Se queredes, podedes empregar as autoavaliacións para repasar, pois o exame tamén será un test online:
Photo credit: taliesin from morguefile.com
Último día adicado a este tema e última autoavaliación. O mércores día 30 teremos o exame correspondente. A continuación comezaremos a unidade adicada aos materiais de uso técnico.
Photo credit: mconnors from morguefile.com
Na clase de hoxe teredes a oportunidade de probar algúns dos primeiros videoxogos portátiles que se comercializaban a comezos dos 80 e tamén podereres xogar online con algunhas das consolas precursoras da Play, Wii,… nos vosos portátiles. Logo teredes unha semana para analizar as principais diferenzas entre os videoxogos de entón e os actuais, valorando aspectos como a complexidade do xogo, gráficos, son, nivel de dificultade, flexibilidade do xogo,… Tedes ate o venres 25 para entregarme o voso traballo individual!
@s alumn@s de 4ºA xa comezaron co deseño dos seus proxectos e tamén coas primeiras probas de concepto. Como novidade, este ano cada equipo documentará o seu traballo a través dun blog integramente escrito polos seus compoñentes. Nos diferentes blogs atoparedes o día a día dos proxectos, fotos, vídeos,… Para facilitar o seu seguimento, incluín un apartado coas ligazóns no menú principal.
Do taboleiro de FB dun amigo, unha infografía do estado actual na central de Fukushima:
Marta, dinamizadora da biblioteca do instituto e profesora do departamento de Lingua Galega, fíxonos a interesante proposta de construír suxeitalibros para colocar nos diferentes andeis. Este proxecto será realizado como un caso práctico no que cada equipo de 2ºC terá que falar con Marta, preguntarlle acerca das especificacións e tomar medidas. Posteriormente, no taller, cada equipo realizará o seu propio deseño para finalmente construílo empregando madeira e/ou metal.
Lembrade que a de mañá será a última noite para participar e que é un proxecto no que paga a pena empregar 10 minutos!!!
Xa temos o primeiro punto en Arteixo!
Dende o Ámbito Científico-Técnico de 4ºD participaremos ate o 6 de Marzo nun proxecto colaborativo de caráter mundial: Globe at Night.
Trátase de determinar a contaminación lumínica en calquera punto da Terra a través da observación da constelación de Orión. As nosas medicións formarán parte dun mapal global onde se rexistrarán medidas realizadas en todo o Mundo.
A suxestión chéganos a través de Astronomía na Beirarrúa (grazas!). Animádevos a participar con nós, soamente precisaredes uns minutos!!!
Para introducir os datos da túa observación, fai clic aquí.
Ciencia + Tecnoloxía 