Blog de Jorge Cao

Gustaríame referenciar un novo blog que funciona dende hai aproximadamente un mes. Trátase do espazo de Jorge Cao, profesor de Plástica en Pastoriza.

Nesta web recóllese o marabilloso traballo que dentro desta materia están a desenvolver xs alumnxs dos diferentes grupos. Ademais atoparás propostas moi interesantes en relación a contidos da área. Parabéns!!!

Marzo 23, 2014 0

Exame de PICAXE

Tras nove días de prácticas con PICAXE, o luns sumaremos a décima e nos preparamos para o exame. Como xa comentamos en clase, o exame será en dous días:
MARTES 25: Alfonso, Yago, Álvaro S., Elisa, Eliseo, Uxía Veira, Sara e Joel.
VENRES 28: David, Aitor, Uxía Vázquez, Ignacio, Laura, Uxía Gea, Carlos e Álvaro B.

Poderedes escoller exame entre tres niveis de dificultade (e puntuación) tendo que aplicar todo o aprendido en clase para resolvelo. Calificarei a montaxe do circuíto e o programa que fai posible o seu funcionamento.
Avisádeme se queredes practicar máis nalgún recreo.

Marzo 18, 2014 0

Comezamos cos proxectos!

Marzo 18, 2014 0

Planetario en Pastoriza

Visita o planetario instalado na aula de Música (2º andar) durante calquera dos recreos desta semana. Reserva a túa praza e aprenderás a localizar a estrela Polar ademais de descubrir o ceo de primavera.

Marzo 18, 2014 0

CUCABOT

Esta semana houbo problemas de acceso á páxina de CUCABOT que estabamos a utilizar polo que deixo un par de ligazóns onde tamén podes atopar información e ideas para o teu robot.

Tamén tes no taboleiro do taller o esquema eléctrico.

Marzo 14, 2014 0

Programa de radio con Spreaker

Crea o teu programa de radio con Spreaker. Requisitos:

Debe ter unha duración de entre 3 e 4 minutos.
Debe incluír como mínimo unha canción (ollo coas licenzas!!!).
Debe incluír como mínimo dous efectos.
Debe incluír voz:
- a túa voz
- xerada cun sistetizador de voz como VozMe.
A temática é libre: programa de deportes, anuncio, entrevista, novas, programa de música, capítulo dunha serie de terror, programa de humor, novas do instituto,… ti elixes pero o resultado debe ter un fío argumental e incluír a palabra XAROPE.