Descarga aquí a planilla de corrección do proxecto de 4º de ESO para coñecer como vai ser avaliado o teu traballo.
Planilla de corrección dos proxectos
XI Xornadas de Tecnoloxía de Galiza
Os días 6 e 7 de Maio terán lugar as XI Xornadas de Tecnoloxía de Galiza organizadas por APETEGA no IES Francisco Asorey de Cambados. Vémonos!
“Alén dos confíns da luz e das tebras…” (Galileo e a Lúa, 1610)
O pasado luns tivemos o pracer de contar coa visita de Salva Bará, profesor da Facultade de Física da USC. e responsable da iniciativa Astronomía na Beirarrúa. Falounos de Galileo, da Lúa e impartiu un obradoiro sobre o manexo de telecopios. Se queredes descargar o pdf da súa charla, facede clic aquí. Grazas de novo!!!
Globe at Night
Xa temos o primeiro punto en Arteixo!
Proxecto colaborativo: Contaminación Lumínica
Dende o Ámbito Científico-Técnico de 4ºD participaremos ate o 6 de Marzo nun proxecto colaborativo de caráter mundial: Globe at Night.
Trátase de determinar a contaminación lumínica en calquera punto da Terra a través da observación da constelación de Orión. As nosas medicións formarán parte dun mapal global onde se rexistrarán medidas realizadas en todo o Mundo.
A suxestión chéganos a través de Astronomía na Beirarrúa (grazas!). Animádevos a participar con nós, soamente precisaredes uns minutos!!!
Para introducir os datos da túa observación, fai clic aquí.
Tomando medidas XI: Xogamos coas escalas
Se a Terra fora un balón de baloncesto e a Lúa unha pelota de tenis, que distancia debería separalas para manter a escala empregada nos diámetros?
Onte vin este vídeo en amazings e hoxe realizamos unha pequena práctica na clase de Ámbito Científico-Técnico (dentro das actividades relacionadas con astronomía que estamos desenvolvendo ao longo desta avaliación).
A partir da wikipedia, @s alumn@s buscaron os seguintes datos:
- Diámetro da Terra
- Diámetro da Lúa
- Diámetro dun balón de baloncesto
- Diámetro dunha pelota de tenis
Logo de comprobar que os diámetros balón de balocesto-pelota de tenis gardaban a mesma relación (aproximadamente) ca os diámetros Terra-Lúa e que polo tanto estaban ben escollidos, pedinlles que buscaran que distancia media separa o noso planeta do seu satélite.
Xa só quedaba calcular o factor de escala Terra-balón de baloncesto e empregalo para determinar a que distancia do balón de baloncesto teriamos que colocar a pelota de tenis. O (sorprendente) resultado, arredor de 7 metros.
Por certo, no vídeo observaredes que a persoa que camiña para situar a pelota de tenis na súa posición correcta, dá 10 pasos. Se os seus pasos foran amplos, tería dado arredor de 7 porque o paso amplo dunha persoa adulta de estatura media mide arredor de 1 metro.
Robótica práctica
A través do servizo de comentarios, chegou esta interesantísima ligazón sobre robótica que vos deixo aquí e na sección Gústame. Grazas de novo a Santiago, o seu autor!
Drivers para o cable USB de descarga de PICAXE
A descarga de programas ao PICAXE faise por defecto a través do cada vez menos utilizado porto serie. Existen adaptadores que permiten converter un cable de descarga serie nun USB, pero se ides mercar un novo, que sexa USB. Os drivers que permiten o funcionamento deste dispositivo, poden descargarse aquí.
Comezamos con PICAXE
@s alumn@s de 4ºA terán que deseñar e contrruír un dispositivo controlado a través de PICAXE como proxecto para esta avaliación. Antes, é necesario entender o funcionamento deste sistema de control e aprender a programalo. Hoxe fixemos a primeira práctica deseñando o circuíto para un semáforo e programando o seu funcionamento:
A luz vermella debía permanecer acendida 5 s, a continuación a luz amarela acenderíase 1 s e para rematar, a luz verde estaría 5 s acendida. Os catro grupos resolveron a práctica correctamente e todavía tivemos tempo para gravar os resultados. Déixovos aquí un dos catro vídeos que tomamos e os outros tres podedes velos na canle de YouTube.
Parabéns a tod@s!!!
Seino, a calidade do vídeo é malísima 😦
Orientación vocacional
O departamento de orientación do IES de Pastoriza abre blog destinado á orientación vocacional. Nel atoparedes información relativa ás probas de acceso a FP e moito máis. Parabéns pola iniciativa!!!
Ciencia + Tecnoloxía 