Estou facendo modificacións na canle de YouTube asociada a este blog, así que é posible que estes días non che carguen os vídeos e mesmo desaparezan das entradas antigas. Grazas pola túa paciencia!
Biblioteca + Tecnoloxía
Este curso repetimos a experiencia de colaboración coa biblioteca do instituto. Marta, a dinamizadora da biblioteca, indicoulles aos alumn@s de 2º de ESO as características dos suxeitalibros que precisaba e estes realizaron diferentes deseños que unha vez construídos, poden verse nos andeis. No seguinte vídeo, os traballos de 2ºD.
VI Exposición-Concurso de Proxectos de Tecnoloxía
Non puideches visitar a exposición de proxectos no instituto? Realiza agora unha visita virtual 😉
Novos vídeos na canle de YouTube
Vídeos dos proxectos realizados na segunda avaliación xa dispoñibles na canle de YouTube deste blog.
Paso a nivel
Queres ver o proxecto deseñado e construído por Lara, Lucía, Iván, Tatiana, Samuel, Pablo, Raúl e Desireé? Trátase dun paso a nivel e no seu blog poderás ver como foi todo o proceso.
Peaxe
O grupo de 4ºA formado por Julián, Alejandro, Ismael, Alberto e Daniel xa rematou o seu proxecto. Un PICAXE está programado para realizar un ciclo de funcionamento no que están controlados os tempos de subida, agarda e baixada da barreira así como o acendido/apagado dos LED. Parabéns polo traballo!!!
Podes seguir todo o proceso de deseño e construción a través do seu blog.
Os proxectos de 4º de ESO
Cada un dos proxectos de 4º de ESO ten asociado un blog para documentar o traballo diario: imaxes do proceso de construción, vídeos de probas de funcionamento, código do programa que controla o PICAXE,… Aquí tedes a lista:
- Depósito de auga: proxecto de 4ºA que consiste nun depósito de auga que se baleira de forma automática cando se alcanza un determinado nivel.
- Paso a nivel: proxecto de 4ºA no que un final de carreira pon en marcha un ciclo de subida e baixada de barreira.
- Nora: proxecto de 4ºB no que unha nora pode invertir o seu sentido de xiro e ademais acender e apagar luces.
- Garaxe: este grupo de 4ºB está traballando na apertura e peche da porta dun garaxe que incorpora tamén indicadores luminosos.
- Iluminación dunha habitación: proxecto de 4ºA no que un LDR actúa como sensor para detectar a luz no exterior e subir ou baixar unha persiana en función do nivel de iluminación.
- Ponte: este proxecto de 4ºA controla o ciclo de funcionamento dunha ponte no que a pasarela elévase e báixase incorporando indicadores luminosos.
- Casa: neste proxecto de 4ºA un LDR funciona como sensor para detectar o nivel de iluminación exterior e abrir e pechar unha porta.
- Telepeaxe: proxecto de 4ºA que consiste nun posto de control de peaxe accionado por un detector de presenza que abre e pecha unha barreira á vez que dá paso ou non mediante un semáforo.
- Paso a nivel: proxecto de 4ºD no que un final de carreira permite iniciar o ciclo de funcionamento dunha barreira sincronizada cun semáforo.
Comezan os proxectos de 4º ESO!!!
Esta semana comezamos cos proxectos de control programado en 4º de ESO. Podes descargar aquí a presentación que veremos en clase e tamén botarlle un ollo ao proxecto gañador da exposición-concurso de 2010-11.
Proxectos de 3ºC
En 3ºC xa comezaron a fase de construción.
Proxectos de 3ºC on PhotoPeachhttp://photopeach.com/public/swf/story.swf
V Exposición-concurso de Proxectos de Tecnoloxía
Hoxe celebramos a V Exposición-Concurso de Proxectos de Tecnoloxía no taller 1 do instituto. O xurado formado por Dennise Iglesias, Alexia Anido, Brahim El Ghotiss, Natalia Rodríguez e Eva Sanz seleccionou os seguintes proxectos como gañadores das diferentes categorías:
- 2º da ESO: ponte levadiza de Juan Carlos, Jesús, Martín e Gregorio
- 3º da ESO: coche cabledirixido de Ismael, Adrián, Sara e Rocío
- 4º da ESO: ascensor con display de Sara, Paula, Reynaldo e María
Parabéns a tod@s @s alumn@s de tecnoloxía no nome das profesoras do departamento!!!!!!
Ciencia + Tecnoloxía 