Recentemente soubemos que a banda sonora da serie Stranger Things terá unha edición especial en casete.
Sería estupendo reproducir a cinta empregando o elbow pero aínda teremos que agardar até o 2018 para facelo.
Stranger Things en casete
Bookmark light
Un marcador de libros que ademais é unha fonte de luz.
Podes ver a entrada completa en designboom.
Anotacións en Classroom
Unha das últimas novidades da app de Classroom para o móbil é a posibilidade de editar as tarefas do noso alumnado pintando directamente sobre elas.
No seguinte gif podes ver como. Visto en Free Technology for Teachers.
Sígueme en Pinterest!
Fai clic aquí para acceder aos meus taboleiros de Pinterest.
As estruturas
A semana que vén comezaremos a unidade de estruturas e xa tes os primeiros recursos recollidos no blendspace.
Que sabe Google de ti?
Cada vez que te desprazas co teu móbil no peto, visitas un sitio web, realizas unha consulta ou utilizas unha aplicación conectada coa túa conta de Google, proporcionas información que é almacenada. Queres coñecer que sabe Google de ti? Dende wwwhat’s new explican como facelo.
E ti que les?
Desde o 20 de Novembro ate o día 17 de Decembro a nosa biblioteca acolle o proxecto E ti que les? realizado e cedido pola Biblioteca do IES de Sabón. Parabéns ás responsables da organización no noso centro e por suposto aos compañeiros de Sabón por un traballo tan interesante.
Día da muiñeira en Pastoriza
Os departamentos de Educación Física e Normalización Lingüística organizaron este colorido día da muiñeira, actividade na que participaron máis de 100 alumnos do noso centro. A foto está tomada desde a aula de plástica situada no 2º andar do instituto (gracias Mª José!). Noraboa a todos os participantes e ás organizadoras!!!
Dardos
María Loureiro, profesora de tecnoloxía e autora do imprescindible blog tecnoloxia.org concédeme un premio en forma de dardo. Ademais de facerlle chegar o meu agradecemento e de acordo coas regras ás que obedece este premio
voulles enviar un dardo aos seguintes blogs:
- Tecnoloxía: blog de Ana Villar, a miña insubstituíble compañeira de Tecnoloxía
- Radio Furoca: blog da emisora de radio que ameniza os nosos recreos
- Lagarto Dixital: o ar mudou de rumbo varias veces nos últimos anos pero o arrecendo de magnolia nunca marchou de Pastoriza 🙂
- Astronomía na beirarrúa: blog que nos achega a astronomía converténdoa nunha festa veciñal
Premios a recursos educativos para a sociedade da información
Pensei que xa escribira o último post do 2008 pero a veces recibimos sorpresas inesperadas e a min chegoume unha en forma de correo electrónico :-)O pasado venres día 19 recibín a nova de que ao Blog de Tecnoloxía lle fora concedido o terceiro premio na modalidade de Materiais Curriculares Web dentro da convocatoria dos Premios a Recursos Educativos para a Sociedade da Información. Estou moi contenta e quería compartilo con tod@s vós.
Aínda a risco de parecer que me acaban de entregar un Oscar 🙂 vou aproveitar a ocasión para dar as gracias a todos os que ledes o Blog de Tecnoloxía pero en especial aos meus alumn@s. Vós sodes o motivo polo que comecei co blog aló no ano 2004. O meu agradecemento tamén aos compañeiros que fan do IES de Pastoriza un lugar tan especial, en particular ás miñas compañeiras de departamento, Ana e Elena, coas que disfruto tanto traballando e das que tanto aprendo. Por último quería agradecer ás persoas que me deron o empurrón que me faltaba para presentar o blog a esta convocatoria 🙂 Gracias a tod@s!!!!!!!!!!!!!!!
Remato facendo chegar os meus parabéns aos demais gañadores. Noraboa!!!!!!!!!
Ciencia + Tecnoloxía 