Día da Muller e a Nena na Ciencia

Fai unha proba. Busca imaxes co texto “xoguetes para nenos” (toys for boys) e “xoguetes para nenas “(toys for girls). Vehículos, ferramentas, xogos de construción, bonecos articulados, robots,… para eles, e casiñas, bonecas, cociñas, toucadores, carriños de bebé, kits de maquillaxe… para elas.

As profesoras que traballamos en Ciencia e Tecnoloxía temos unha dobre responsabilidade de cara ás nosas alumnas. Ademais de acompañalas na súa aprendizaxe, debemos facerlles chegar a mensaxe de que esas áreas que dende a primeira infancia semellan estar reservadas para os chicos, tamén nos pertencen a todas nós.

Deixo un vídeo (subtitulado) que me chegou a través doutra profe, a miña amiga Goretti:

Febreiro 11, 2017 0

Tecnoloxía nostálxica

RokBlok é unha proposta diferente para xs que desfrutamos co son dos vinilos. O disco permanece inmóbil mentres o reprodutor se move ao longo dos seus sucos. Dispón de altofalante integrado e conectividade bluetooth para altofalantes externos. O proxecto aínda está aberto en KickStarter.

Xaneiro 15, 2017 0

Mecanismos con cartón

Nesta avaliación o alumnado de 2º da ESO terá que realizar o deseño dun proxecto que incorpore diferentes mecanismos de transmisión e/ou transformación do movemento. Estou revisando mateiriais para proporcionarlles algunhas ideas e atopei este autómata.

Xaneiro 8, 2017 0

Vehículo todoterreo

Este vehículo todoterreo impulsado por whegs é un proxecto que pode realizarse en catro sesións. No vídeo podes ver un dos que fixo o alumnado de 3ºC + PMAR. Para acceder á idea orixinal, fai clic aquí.

Decembro 16, 2016 0

Domótica con arduino

Podes utilizar unha placa de arduino para controlar dispositivos domésticos. O dispositivo conéctase a un relé e este acciónase dende a placa de arduino. Ollo coas tensións porque haberá partes do teu circuíto que funcionen a 220 V.

O vídeo é unha proba de concepto realizada cunha bombilla. Neste caso programei un pestanexo que sucede cada 2 s pero poderías cambiar a configuración para que se acendera como resposta á lectura dun sensor.

Setembro 13, 2016 0

Semáforos no chan

Todos deberiamos gardar o móbil no peto cando camiñamos polas rúas, e aproveitar os nosos desprazamentos para desconectarnos dos dispositivos e conectarnos coa xente e os lugares. A realidade é que nin sequera andando despegamos os ollos das pantallas, e iso afecta á nosa seguridade como peóns.

Dende Australia propoñen unha solución que consiste en instalar dispositivos que funcionan como semáforos no chan, proporcionando ás persoas información para cruzar as rúas de maneira segura.

Visto en wwwhat’s new.

Setembro 4, 2016 0

Pong con arduino

Seguro que coñeces o Pong, un xogo integrado nas primeiras videoconsolas dos anos 70. Sabes que podes empregar unha placa de arduino e o entorno de prgramación de mBlock para realizar a túa propia versión? Os xogadores da miña móvense utilizando potenciómetros, como no xogo clásico.

Podes tomar o meu como base e engadirlle extras como a opción de modificar a lonxitude dos xogadores ou a velocidade da bola.

Agosto 22, 2016 0

mBlock + arduino + joystick

mBlock é o entorno de programación pensado para controlar o robot mBot. Ademais, pode utilizarse para programar placas de arduino e interaccionar a través delas cos obxectos que creamos en mBlock.

No seguinte vídeo podes ver como utilizar un joystick para mover unha nave de mBlock sobre o escenario de xogo. É só unha proba de concepto pero ten todos os elementos básicos dun xogo, incluído o marcador. Anímaste a melloralo?

Xullo 14, 2016 0

Mecanismos e inversión de xiro

Engado á lista de proxectos un de 2º da ESO.

Xullo 5, 2016 0

Proxectos 2015-16

Estou subindo os vídeos de funcionamento de varios dos proxectos realizados polo alumnado ao longo do curso 2015-16.

No vídeo desta entrada podes ver un telémetro ultrasónico. Unha placa de arduino UNO permite realizar a medida de distancias empregando un sensor ultrasónico. O resultado da medida é mostrado nun LCD.

Xullo 4, 2016 0

Categoría: Vídeo