Pronto traballaremos con GoAnimate. Podes ir botándolle un ollo…
Muller e ciencia
Práceme enormemente mostravos a marabillosa exposición preparada por Loli Blanco, xefa do departamento de Física e Química e que estes días dá a benvida na entrada do instituto. Non a perdas!!!
Os metais
Tedes que constituír 5 grupos dentro da clase. Cada un dos grupos buscará información e elaborará un traballo sobre un metal en particular (realizarei a asignación por sorteo). Finalmente, os membros do grupo realizarán a exposición do seu traballo para toda a clase empregando o formato que escollan. Unha pequena axuda.
Contido do traballo:
- Nome do metal
- A partir de que mineral/minerais se obtén e mediante que proceso
- Cales son as propiedades específicas do metal
- Cales son as principais aplicacións (imaxes)
- Cales son as aliaxes ás que dá lugar.
Photo credit: kittyela from morguefile.com
Tomando medidas XV: Escalas
Mellor a pantalla completa…
The Universe made possible by Number Sleuth
Edición de vídeo (III): proba03
Continuamos co editor de vídeo de YouTube.
- Fai clic no xestor de vídeos e abre o despregable que aparece xunto do vídeo proba02 (proba01 + as modificacións feitas con vibop)
- Escolle a opción Melloras
- Selecciona unha das posibles opcións e no botón Gardar, fai clic en Gardar como (para non perder o vídeo orixinal)
- Regresa ao xestor de vídeos e fai clic en editar ao lado da copia xerada para cambiarlle o nome por proba03
- De novo no despregable, escolle a opción Anotacións e fai clic en Engadir anotación-Título
- Escribe un título para o teu vídeo e usa a liña temporal para situalo onde desexes e controlar a súa duración
- Fai clic en Publicar e incrusta o vídeo no teu blog co título Proba 03
Edición de vídeo (II): proba02
Moitas das ferramentas de autor que eran compatibles con YouTube seguen funcionando e seguen sendo compatibles pero YouTube eliminou a pasarela que permitía a comunicación con elas dende o propio xestor de vídeos, polo que terás que entrar dende a páxina propia de cada ferramenta. Antes diso, instala en Mozilla o complemento Flash and Video Download que che permitirá descargar calquera vídeo de YouTube e calquera elemento flash da páxina na que te atopes.
- Descarga o vídeo do exercicio anterior no teu ordenador
- Entra en Vibop
- Sube o vídeo ao editor
- Engade unha introdución
- Engade un efecto
- Publica na túa conta de YouTube o resultado
- Incrusta o vídeo no teu blog co título Proba 02
Clases de apoio
Como vén sendo habitual, este ano tamén impartirei clases de apoio de Tecnoloxía para a parte científico-técnica da proba de acceso a FP de grao medio. Comezaremos á volta das vacacións e serán durante os recreos (xa vos informarei dos días e das horas por se queredes asistir). Repasaremos exames de convocatorias anteriores e aprenderemos a respostar un exame tipo test onde os erros restan puntos 🙂
Globe at Night
Mañá comeza outra campaña de Globe at Night. Olla o ceo e sube os teus datos. Anímate a participar!
Ciencia + Tecnoloxía 