Por fin!!! Google Classroom xa permite realizar asignacións individuais e tamén a subgrupos dentro dunha clase.
Abre o despregable, elimina a marca en Todos los alumnos e selecciona un a un os alumnos aos que lles queres asignar a tarefa.
Nesta avaliación o alumnado de 2º da ESO terá que realizar o deseño dun proxecto que incorpore diferentes mecanismos de transmisión e/ou transformación do movemento. Estou revisando mateiriais para proporcionarlles algunhas ideas e atopei este autómata.
O número de xullo-decembro da Revista Galega do Ensino vén de publicar a primeira experiencia que realicei durante o curso 2014-15 baixo o modelo in-class flip .
Deixo a ligazón para a súa lectura.
Este vehículo todoterreo impulsado por whegs é un proxecto que pode realizarse en catro sesións. No vídeo podes ver un dos que fixo o alumnado de 3ºC + PMAR. Para acceder á idea orixinal, fai clic aquí.
Gustouche Stranger Things? Dende Instructables chega esta proposta orixinal para realizar con arduino nestes días.
Podes utilizar unha placa de arduino para controlar dispositivos domésticos. O dispositivo conéctase a un relé e este acciónase dende a placa de arduino. Ollo coas tensións porque haberá partes do teu circuíto que funcionen a 220 V.
O vídeo é unha proba de concepto realizada cunha bombilla. Neste caso programei un pestanexo que sucede cada 2 s pero poderías cambiar a configuración para que se acendera como resposta á lectura dun sensor.
Todos deberiamos gardar o móbil no peto cando camiñamos polas rúas, e aproveitar os nosos desprazamentos para desconectarnos dos dispositivos e conectarnos coa xente e os lugares. A realidade é que nin sequera andando despegamos os ollos das pantallas, e iso afecta á nosa seguridade como peóns.
Dende Australia propoñen unha solución que consiste en instalar dispositivos que funcionan como semáforos no chan, proporcionando ás persoas información para cruzar as rúas de maneira segura.
Visto en wwwhat’s new.
Detrás dun obxecto tan simple como unha pinza do pelo podes atopar unha ferramenta multifunción sorprendente. Un exemplo de procura de versatilidade na realización dun deseño.
Visto en gizmodo.
Unha das últimas novidades da app de Classroom para o móbil é a posibilidade de editar as tarefas do noso alumnado pintando directamente sobre elas.
No seguinte gif podes ver como. Visto en Free Technology for Teachers.
Xa está anunciado o OSHWDem 2016. Terá lugar o 5 de novembro na Domus de Coruña. Prepara o teu robot para as competicións de robótica, participa nos talleres, visita a exposición de proxectos,…
Se queres saber máis, fai clic aquí.
Ciencia + Tecnoloxía 