Semella como se ate as lámpadas quixeran aforrar enerxía 🙂
Aforro enerxético
Aplicación da semana: Multicolr
Multicolr é unha aplicación online que traballa coa base de imaxes de Flickr. Trátase dun buscador de imaxes por cores no que o usuario pode seleccionar unha ou máis cores dunha paleta para obter sorprendentes resultados. Gracias a what’s new por outra interesantísima proposta!
Aplicación da semana: ConvertMyTube
Cantas veces queremos facer uso dun vídeo de YouTube e nos vemos limitados pola velocidade da conexión da que dispoñemos! Agora con ConvertMyTube poderemos descargar o vídeo con opción de facelo en diferentes formatos, incluídos o 3gp para móbil e o mp3 para extraer só o audio. A páxina que nos informa desta aplicación é genbeta.
Unha cama de cartón?
A elección dos materiais é un aspecto importantísimo na fabricación dun obxecto pero un deseño adecuado pode resolver problemas asociados ás propiedades do material.
En no puedo creer preséntannos esta cama fabricada en cartón que conserva propiedades deste material como a lixeireza e que soporta o peso dunha persoa.
Combinacións de teclas
Seguro que hai carpetas que utilizades con frecuencia e que tedes que abrir a golpe de rato, minimizando en moitas ocasións todas as ventanas abertas para acceder ao Escritorio. Desde genbeta nos propoñen unha maneira alternativa a través de combinacións de teclas:
-
Creade un acceso directo á carpeta e situádeo por exemplo no Escritorio
-
A continuación facede clic dereito sobre el e seleccionade Propiedades
-
Na caixa de Tecla de método abreviado escribide a tecla que servirá para abrir a vosa carpeta (por exemplo i se se trata da carpeta instituto)
-
A partir de agora poderedes abrir a carpeta instituto facendo CTRL+ALT+i
Funciona tamén para accesos directos a arquivos.
Aplicación da semana: LightBOT
Play free games at WeGame.com
Comezamos unha semana máis e facémolo cunha recomendación. Trátase de LightBOT, un divertido xogo para iniciarnos na programación. Teredes que darlle instrucións precisas ao voso robot para que acenda todos os recadros azuis.
Esta aplicación chéganos recomendada a través das interesantísimas tecnoloxia.org e tecnoTIC.
Esta aplicación chéganos recomendada a través das interesantísimas tecnoloxia.org e tecnoTIC.
Fotos Polaroid
Xa hai uns meses que o sitio what’s new informaba acerca dunha aplicación para simular e enviar fotos Polaroid. Con PhotoNotes poderedes crear unha imaxe como a deste post sen máis que:
- Subir unha imaxe
- Escoller un modelo
- Seleccionar unha fonte
- Elexir unha cor
- Teclear unha mensaxe de ate 50 caracteres para acompañar á imaxe
A continuación fai unha previsualización e se gostades dela, poderedes enviala á dirección de correo electrónico que indiquedes.
Traballamos co papel
Seguro que se vos falo de facer unha animación, non vos viría á cabeza esta imaxe pero é que cheguei por casualidade a esta páxina de recortables e non vos imaxinades cantísimas cousas se poden facer empregando só papel. Botádelle un ollo e me contades…
As tripas dos electrodomésticos
Microsiervos fainos saber dunha bonita iniciativa: unha colección de fotografías de pequenos electrodomésticos vistos como nunca… en pezas!!! Na imaxe tedes un ferro de pasar despezado e neste álbum de Flickr máis.
A Lúa dende casa
Hai noites nas que a Lúa está especialmente fermosa e así a fotografamos o martes dende a miña casa.
Ciencia + Tecnoloxía 
