Continúo subindo os vídeos dos proxectos rematados en 2º e 3º, así podemos ver todos os vosos traballos aínda que este ano non teñamos a tradicional exposición-concurso. O que tedes debaixo é o temporizador do grupo azul de 3ºBC. Eles tampouco conseguiron os 10 s pedidos pero si un interesante dispositivo construído en moi pouco tempo.
Na canle do Blog de Tecnoloxía atoparedes este vídeo e outros. Nos vos perdades por exemplo os temporizadores con auga!
Amósovos o vídeo do temporizador do grupo laranxa de 3ºBC. Témome que está lonxe de conseguir os 10 s que se pedían, pero aínda así ten o valor de ser un deseño totalmente realizado polos alumnos. Unha vez máis o tempo xogou en contra 🙂
Nos próximos días subirei a youtube todos os vídeos dos proxectos rematados que vaiamos gravando.
Hoxe tivemos a última clase de 2ºD e aproveitamos para gravar vídeos dos proxectos en funcionamento. Este correspóndese co pinball do grupo laranxa, pero podedes ver os vídeos dos outros grupos na canle de YouTube do Blog de Tecnoloxía.
Parabéns a tod@s!!!
Existen materiais capaces de recuperar a súa forma logo dunha deformación plástica simplemente aplicando calor. Estes materiais reciben o nome de materiais con memoria de forma. Botádelle un ollo a este vídeo onde o mango da culler está parcialmente fabricado con nitinol. Veredes o que sucede cando a culler se introduce no líquido quente que contén a taza…
O taller 1 estará aberto para os alumnos de 3ºA e 3ºBC nos seguintes recreos:
Lembrade que a asistencia é voluntaria.
Imaxes gratuítas para empregar nos teus traballos. Recompilación realizada en wwwhat’s new.
Hoxe colguei no taller a lista de alumnos que deben realizar o exame de recuperación da semana que vén, indicando para cada un as unidades das que ten que examinarse. Consultádea e preguntádeme se tedes dúbidas.
Primeiras fotos dos proxectos nos que están traballando os alumnos de 3º. Serán capaces de cronometrar 10 s cun erro de ± 1 s? Ademais, ao finalizar o tempo debe acenderse unha lámpada.
Os deseños son do máis variado. Xa vos contarei dos resultados…
Utilizas Firefox como navegador? Podes instalar un add-on que permite descargar o audio de calquera vídeo de YouTube en formato mp3. Pincha aquí para acceder ao complemento.
O plan de traballo para as últimas clases é o seguinte:
3ºA
3ºBC
Nos próximos días sacarei unha lista dos alumnos que teñen que realizar o exame de recuperación indicando a materia da que se teñen que examinar.
Ciencia + Tecnoloxía 