Hoxe é 4 de Novembro, Día da Ciencia en Galego!

Todos os que facemos garda de recreo no patio sabemos que moitos dos días vai tanto vento, que mesmo parece que nos levará a nós. Pero hoxe non se movía nada… nada salvo nós, alumnos e profesores, tentando facer voar os papaventos 🙂

As cousas non saíron como agardabamos pero igualmente foi unha xornada estupenda, como sucede moitas veces cando facemos Ciencia 🙂

Seguindo a idea proposta por María Loureiro dende tecnoloxia.org, fixemos unha recompilación de termos que empregamos diariamente no Ámbito Científico-Técnico e pegámolos por toda a aula… e tamén fóra!

Lúa, traxectoria, desenvolvemento sostible, forza, expoñente, movemento, números enteiros, estrela, ecoloxía, probabilidade, xenética, tempo,… son palabras útiles e fermosas.